جەماوەر نیوز

ئەمڕۆ چوارشەممە، نەوزاد شێخ کامیل، بەڕێوەبەری گشتی بازرگانی هەرێم لە لێدوانێکدا رایگەیاند: "ئەگەر تا 5ـی ئەم مانگە لە 85%ـی هاوڵاتییان خۆیان تۆمارکردبێت، ماوەی فۆڕمی ئەلیکترۆنی خۆراک درێژ ناکەینەوە و قۆناغی دووەم دەست پێ دەکەین".

ئەمەش لە کاتێکدایە، پێشتریش بەڕێوەبەری پسووڵەی خۆراکی هەولێر، رایگەیاندبوو، لە دووی حوزەیرانی 2025ـەوە، بە ئەلیکترۆنیکردنی فۆڕمی خۆراک لە هەرێمی کوردستان دەستیپێکردووە و 5ـی تەممووز دوایین وادەیە بۆ نوێکردنەوەی فۆڕم، پێویستە تا ئەو کاتە هەموو کەس خۆی تۆمارکردبێت بۆ ئەوەی بەشەخۆراکەکەی رانەگیرێت.