جەماوەر نیوز
ڕۆژی یەکشەممە گرێبەستی پڕۆژە ستراتیژییەکەی ئاوی سلێمانی واژۆ دەکرێت، نزیکەی 424 ملیۆن دۆلاری بۆ تەرخاکراوە و  بۆ 30 ساڵی داهاتوو کێشەی کەمئاوی سلێمانی چارەسەر دەکات.

 وەزارەتی شارەوانی و گەشتوگوزاری حكومەتی هەرێمی كوردستان بڵاوی كردەوە: ڕۆژی یەكشەممە 12-10-2025، گرێبەستی پڕۆژەی ئاوی دووكان - سلێمانی سێ لە وەزارەتی شارەوانی و گەشتوگوزار واژۆ دەكرێت.

 بە بڕیاری مەسرور بارزانی پڕۆژەی ئاوی دووكان - سلێمانی سێ بە گوژمەی (423.890.000) چوار سەد و بیست و سێ ملیۆن و هەشت سەد و نەوەد هەزار دۆلار جێبەجێ دەكرێت، پڕۆژەكە بۆ ماوەی 30 ساڵی دیكە كێشەی كەمئاوی لە سلێمانی چارەسەر دەكات.

 سەرۆكوەزیران مەسرور بارزانی بڕیاری دا گوژمەی پڕۆژەكە لە (398.486.000) سێ سەد و نەوەد و هەشت ملیۆن و چوار سەد و هەشتا وشەش هەزار دۆلار بۆ (423.890.000) چوار سەد و بیست و سێ ملیۆن و هەشت سەد و نەوەد هەزار دۆلار زیاد بكات.