جەماوەر نیوز

سەرلەبەیانی ڕۆژی چوارشەممە ۱٥ـی تشرینی یەکەمی ۲٠۲٥ لە هەولێری پایتەخت، محەمەد حاجی مەحمود، سەرۆکی حزبی سۆسیال دیموکراتی کوردستان پێشوازیکرد لە دەرباز کۆسرەت ڕەسوڵ عەلی، ئەندامی مەکتەبی سیاسی و لێپرسراوی مەکتەبی پەیوەندییەکانی یەکێتی نیشتمانی کوردستان.

لە دیدارەکەدا، کە ڕێبین محەمەد، کارگێڕی مەکتەبی سیاسی و شادمان ڕۆستەم، ئەندامی مەکتەبی سیاسی و بەرپرسی مەکتەبی پەیوەندییەکان ئامادەیبوون، گفتوگۆ دەربارەی بارودۆخی سیاسی هەرێمی کوردستان، عێراق و ناوچەکە کرا و یەکدەنگی و یەکڕیزی هێز و لایەنە سیاسییەکان وەک پێویستییەکی قۆناغە باسی لێوەکرا.

محەمەد حاجی مەحمود، لە هەواڵی تەندروستی کاک کۆسرەت ڕەسوڵ عەلی پرسی و پێزانینی دەربڕی بۆ خەبات وتێکۆشان و خۆنەویستی لەبزاڤی ئازادیخوازی میللەتەکەمان لەپێناو چەسپاندنی مافە ڕەواکان و بەدیهێنانی ئامانجە نەتەوەیی و نیشتمانییەکان.

لەبەشێکی تری دیدارکەدا، تەئکید لە پەیوەندی دۆستانە و مێژوویی نێوان حزبی سۆسیال دیموکراتی کوردستان و یەکێتی نیشتمانی کوردستان کرایەوە.