جەماوەر نیوز

جه‌ی دی ڤانس جێگری سه‌رۆكی ئه‌مریكا رایده‌گه‌یه‌نێت، گه‌یشتن به‌ ڕێككه‌وتن له‌گه‌ڵ ئێران له‌ به‌رژه‌وه‌ندی هه‌موان ده‌بێت و ده‌شڵێت، "هیچ هێڵێكی سور له‌ دانوستانه‌كان له‌گه‌ڵ ئێراندا نییه‌".

جه‌ی دی ڤانس له‌ لێدوانێكدا ئه‌مڕۆ دوشه‌ممه‌ رایگه‌یاند، "گه‌یشتن به‌ ڕێككه‌وتن له‌گه‌ڵ ئێران له‌ به‌رژه‌وه‌ندی هه‌موان ده‌بێت.

وتیشی، "دۆناڵد تره‌مپ سه‌رۆكی ئه‌مریكا خوازیاری ڕێككه‌وتنێكی به‌رده‌وامه‌ له‌گه‌ڵ ئێران و ئه‌و رێكه‌وتنه‌ش گونجاو ده‌بێت، هیچ هێڵێكی سوریش له‌ دانوستانه‌كان له‌گه‌ڵ ئێراندا نییه‌".

دیپلۆماتکارانی ئەمریکی و ئێرانی لە کۆتایی هەفتەی ڕابردودا بە نێوەندگیری عومان بەشدارییان لە دانوستانەکاندا کرد کە ئامانجیان ڕەخساندنی دەرفەتێکی نوێ بو بۆ دیپلۆماسی لە نێوان زیادبونی کۆبونەوەی هێزی دەریایی ئەمریکا لە نزیک ئێران و سوێندی تاران بۆ وەڵامدانەوەی زۆرەملێ ئەگەر هێرشی بکرێتەسەر.

ئەم وتووێژانە لەدوای سەرکوتکردنی بەربڵاوی ناڕەزایەتییەکانی دژ بە حکوومەت لە ئێران لە مانگی ڕابردودا دێن کە بە هۆیەوە هەزاران کەس گیانیانلەدەستدا.