جەماوەر نیوز
دەزگای ئاسایشی هەرێمی کوردستان رایگەیاند، تۆمەتباری رووداوی کوشتنی ژنەکەی سلێمانی دەستگیرکرا کە هەوڵیداوە لە رێگەی برایەک و زاوایەکی هەڵبێت بۆ دەرەوەی کوردستان.
دەزگاکە لە راگەیەندراوێکدا بڵاویکردەوە، پاشنیوەڕۆی دوێنێ 12-02-2026 لەیەکێک لە پڕۆژە نیشتەجێبوونەکانی شاری سلێمانی، ژنێک بە چوار فیـ.ـشەک دەکـ.ـوژرێت، لەسەر ئەم رووداوە دەستبەجێ بەڕێوەبەرایەتیی ئاسایشی پارێزگای سلێمانی بەدواداچوونی دەستپێکرد بۆ دەستگیرکردنی تۆمەتبارەکە.
ئاماژەی بەوەشدا، لەئەنجامی لێکۆڵینەوەکان دەرکەوت تۆمەتبار بەهۆی کێشەی کۆمەڵایەتیەوە تاوانەکەی ئەنجامداوە و هەوڵیداوە لەڕێگەی برایەک و زاوایەکی هەڵبێت بۆ دەرەوەی هەرێمی کوردستان، دوای چاودێریی وورد و دەستنیشانکردنی شوێنی تۆمەتبار بەیانیی ئەمڕۆ تۆمەتباری بکـ.ـوژ و دوو هاوکارەکەی دەستگیرکران.
دەزگای ئاسایشی هەرێمی کوردستان ئەوەشیخستەڕوو، لەئێستادا تۆمەتباری بکوژ بەماددەی 406 لەیاسای سزادانی عێراقی راگیراوە و هەروەها هەردوو تۆمەتباری هاوکاری پەڕاوی لێکۆڵینەوەیان بۆ کراوەتەوە و لێکۆڵینەوە لەدۆسییەکانیان بەردەوامە.