جەماوەر نیوز

سه‌رچاوه‌یه‌كی ئه‌منی له‌ پارێزگای هه‌ولێر رایگه‌یاند، ئێواره‌ی ئه‌مڕۆ له‌دوای نوێژی ته‌راویح له‌ مزگه‌وتێكی ناحیه‌ی رزگاری (تۆپزاوا)ی شاری هه‌ولێر، دو كه‌س كوژران كه‌ یه‌كێك له‌ كوژراوه‌كان نازناوی مه‌لای هه‌یه‌ و ناوبژی كردوه‌.

به‌وته‌ی سه‌رچاوه‌یه‌كی ئه‌منی، ئه‌مشه‌و لە دوای نوێژی تەراویح له‌ مزگه‌وتێكی ناحیه‌ی تۆپزاوا دو کەس کوژران، یەکێک لە کوژراوەکانیش كه‌ ناوبژیوانی كردون، ناوی (مه‌لا زوهێر هەرکی)یه‌ و مامۆستای ئایینی نییە به‌ڵكو ته‌نها نازناوی مەلای هەڵگرتوە.

ئه‌وه‌شیخسته‌ڕو، تۆمەتباری سه‌ره‌كی روداوه‌كه‌، خۆی بریندارەکانی بۆ نه‌خۆشخانه‌ گواستۆته‌وه‌ و پاشانیش خۆی رادەستی بنکەی پۆلیسی نەخۆشخانەی ئێمرجنسی له‌ هه‌ولێر كردوه‌ و لێكۆڵینه‌وه‌ش له‌روداوه‌كه‌ به‌رده‌وامه‌.

له‌پاشخانی ئه‌م هه‌واڵه‌دا، شێوازی جیاواز بۆ گواستنه‌وه‌ی زانیاریه‌كان ئه‌مشه‌و خرانه‌ڕو، یه‌كێك له‌ شێوازه‌كانیش باسیان له‌وه‌كرد، لە مزگەوتێکی تۆپزاوەی هەولێر شەڕ و ئاڵۆزی دروستبوە، کەسێک پێشنوێژی مزگەوتەکەی کوشتوە، ئه‌و كه‌سه‌ش له‌لایه‌ن براكه‌یه‌وه‌ كوژراوه‌، به‌ڵام پۆلیس ئه‌مه‌ی پشتڕاست نه‌كردۆته‌وه‌.