جەماوەر نیوز
مەسرور بارزانی بڕیارێکی گرنگ لەبارەی یەکخستنەوەی هێزەکانی پێشمەرگە واژۆ دەکات
لە چوارچێوەی پرۆسەی چاکسازی لە وەزارەتی پێشمەرگە و جێبەجێکردنی کارنامەی کابینەی نۆیەم، مەسرور بارزانی، سەرۆکی حکومەتی هەرێمی کوردستان، بڕیارێکی ستراتیژی بۆ ڕێکخستن و یەکخستنەوەی هێزەکانی پێشمەرگە واژۆ کرد.
پێشەوا هەورامانی، وتەبێژی حکومەتی هەرێمی کوردستان لە ڕاگەیەندراوێکدا ئاماژەی بەوە کرد، سەرۆک وەزیران مەسرور بارزانی واژۆی لەسەر دیاریکردنی دەسەڵاتەکانی (کارگێڕی، دارایی، یاسایی، و پەیوەندییەکان)ی فەرماندەی فەرماندەیی دەڤەرەکانی سەر بە وەزارەتی پێشمەرگە کرد.
وتەبێژی حکومەتی هەرێم دەشڵێت، ئەم هەنگاوە لەپێناو دروستکردنی هێزێکی نیشتمانیی یەکگرتووە و وەک وەڵامێکە بۆ خواستی هاوپەیمانان و پێکهاتەکانی ناو وەزارەتی پێشمەرگە، و بە فەرمی کردنی دەسەڵاتەکان دەبێتە هۆی ڕێکخستنەوەی کاروباری دارایی و یاسایی لەناو فەرماندەیی دەڤەرەکاندا.
ئەوەشی خستووەتەروو، ئەم بڕیارە بەشێکە لەو ڕێککەوتنە ستراتیژییەی کە بۆ یەکخستنەوەی تەواوی هێزی پێشمەرگە لەژێر چەتری وەزارەتدا کاری بۆ دەکرێت.
وتەبێژی حکومەت جەختیشی کردەوە، کە سەرۆک وەزیران مەسرور بارزانی هەمیشە پاڵپشت و داینەمۆی ئەوە بووە کە هەرێمی کوردستان خاوەنی یەک هێزی پێشمەرگەی یەکگرتوو بێت و بڕیارەکەی ئەمڕۆش هەنگاوێکی کردەیی و گرنگە لەو ئاراستەیەدا