جەماوەر نیوز
وەزارەتی سامانە سروشتییەکان ڕایدەگەیەنێت، دەست بە هەناردەكردنی 250 هەزار بەرمیل نەوتی کەرکوک لە ڕێگەی بۆریی نەوتی هەرێمی كوردستانەوە، كرا.
وەزارەتی سامانە سروشتییەکانی هەرێمی کوردستان لە ڕاگەیەندراوێکدا بڵاویکردەوە، لەسەر بڕیاری مەسرور بارزانی، سەرۆكی حكومەتی هەرێمی كوردستان و بە لەبەرچاوگرتنی ئەم بارودۆخە نائاساییەی كە ڕووبەڕووی وڵات بووەتەوە، بەیانیی ئەمڕۆ، ڕێكەوتی 18ـی ئازار، كاتژمێر 6:30، وەزارەتی سامانە سروشتییەكان بە هەماهەنگی لەگەڵ وەزارەتی نەوتی فیدراڵی، دەستی بە کارپێکردنی وێستگەی نەوتی سارالوو بۆ گواستنەوەی 250 هەزار بەرمیل نەوتی ڕۆژانە بۆ وێستگەی فیشخابوور کرد.
دەشڵێت، ئەو نەوتە لە ڕێگەی بۆریی نەوتی هەرێمی كوردستان ڕەوانەی بەندەری جەیهانی توركیا لەسەر كەنارەكانی دەریای ناوەڕاست، دەكرێت